ZERINGA

ZERINGA

German. Zaringen, castrum Brisigaviae, infra Friburgum, unde illustrissimae olim familiae nomen. Primus Zeringiae Dux fuit Berchtoldus I. filius Landoli II. Brisiaci domini, qui frater Rapatonis, unde Habspurgii Austriique orti, obiit A. C. 1036. Berchtoldus hic Carinthiâ, ab Imperatore, locô promissi Ducatus Suevici, auctus, Bertholdum II. et Hermannum, illum rami Zeringio-Tecci, istum Hochbergio-Badensis lineae auctores, progenuit: Bertholdo II. filii fuêre, Bertholdus III. Friburgi Brisgoiae conditor, et Conradus, a Conrado III. Imperatore captis Zeringâ et Tecciô, ad obsequium perductus, Hôc geniti Bertholdus IV. Friburgi in Uchtlandia et Bernae conditor, ac Albertu sseu Adelbertus, Comitum seu Ducum Tecciae stor: cuius familiae vitimô A. C. 1439. exstinctô, ditio ad Eberhardum Comitem Wirtembergicum generum trausiit: Mundelhemiôdominiô, a Iutha ac Irmgardi Friderici VII. filiabus Werthemiae et Rechbergiae stirpi illatô: Bertholdi vero IV. posteritas in Bertholdo V. filio, iam A. C. 1238. desiit. Vide Spener. Syll. Geneal. Histor. in familia Wirtemberg. Tob. Pfannerum de praecipuis Germaniae Principum gentibus, c. 7. ubi de Gente ead. et c. 9. nec non ubi de Gente Badensi, supra, in voce Bertholdus, Item Hochberga, et Teccium. Addo hoc saltem, Stumpfium, l. 7. de Argovia, Bertholdum I. Comitem, Berthodlum vero II. Marchionem Zeringiae, appellare, qui demum Ducatu Sueviae, a socero Henrico IV. Imperatorepromissô, Sueviae Zeringiaeque Ducuis titulum sumpserit.